Mila eta biok ekin diogu berriz bidaiatzeari gure bidaietara, iraganeko erara, baina oraingoan gure alabekin batera: Uxue (12) eta Garazi (9). 2005ean, Mongoliako iparraldera joan ginen, elur-oreinen abeltzainak (tsaatanak) bizi ziren taigara. Bidaia haren bideoa ikus dezakezu nire blogean: https://asieraranzabal.com/zaldiz-mugarik-gabe-saharako-basamortuan-eta-mongoliako-estepan-eta-taigan-zehar/
18 urte geroago, 2023an, itzuli gara oraingoan ere zaldiz, trostan, baita lauhazka ere. Hauxe da Mila eta Asierrek eta gure bi alaba Uxuek (12) eta Garazik (9) eskaintzen dizugun abentura, hainbat kapitulutan. 22 egun eta 465 km zaldian, mendietan zehar eta Khovsgol lakuaren eta Siberiako mugaren arteko taigan, tsaatanen elur-oreinen kanpalekuraino. 1. atalarekin hasiko gara: Ulan Bator berria.
