2007an Iranera joan ginen bertakoen bizimodua ezagutzera. emakumeen derrigorrezko beloa topikoaren aurrean, kolorez betetako nomada bizimodua aurkitu genuen Shasavan eta Qasqai leinuetan, basamortu itxurako paisaia leloaren kontra, Kaspio itsasoaren urertzetan paisaia berdea eta ia tropikala aurkituko genuen, pagadiez eta arroz eta te soroez osatua; eta ia sei mila metroko mendiak dituzten mendilerroetan zehar bidaiatu genuen, baita mendirik handienera (Damavand, 5761 m) igo ere.
