Aita eta ama mendizaleak, alabak ere mendira!. Gogoan dut Uxue Urbiara igo genuela hilabetea egin berri. Ordutik hona, bidezidor askotan zehar ibili dira, Uxue eta Garazi. Saiatu izan gara bidezidor dibertigarrietatik eramaten: errekastoetan hankak buztiz, arroketan eskuak erabiliz, lokatzaz zikintzen, edota orbelartean jolasten. Duela urte batzuk, aurkitu genuen benetan gustoko zutena: Ferratak. Bideo bilduma honetan gure familiako erronkak eta abenturak partekatzen ditugu, ferratetan batez ere. Gozatzea espero dut, baita zuen familia-erronketarako inspirazio izatea ere.